Sååge än tääle üt Fraschlönj

Bild Friisk Foriining

Nordfraschlönj as ful foon üülje sååge än tääle, wat foon generatsjoon tu generatsjoon widere dräägen wörden san. Mååst arkst toorp heet sin äine ferteelinge am müütische wåådermoons, üülje schåte unti unerjardsche. Marie Tångeberg kånt maning foon suk ferteelinge nuch üt har bjarnetid, än heet mårkt, hü goue tääle deertu baidreege koone e spräke tu fermadeln. Maning sååge än tääle heet e grünleederin än üülj liirerin foont Risem Schölj ouer iirtiinde tuhuupedräägen än awt Bökinghiirder frasch eefterferteeld – Jüheer soomling as nü as bök rütkiimen. Sam kapiitle san uk ma tiikninge än bile foon Marie ilustriirt.

Da 80 sååge aw 140 side doue di leeser e möölikhäid, ham aw frasch önj spånende tääle intuleesen, än ham südänji intensiif ma e frasche spräke ütenouder tu seeten. Huum ål iinjsen en jarste indruk foont bök heewe wal, koon aw e YouTube-kanool foon e Friisk Foriining en påår foon da sååge as hiirspal hiire.

E Friisk Foriining heet et bök ütdänj ma heelp foont Nordfriisk Instituut as ferlåch än ma stipe foon e loonsregiiring Slaswik-Holstiin ouer e Frasche Rädj. Huum fäit et for 16,80 € bai e Friisk Foriining uner diheere link:

Webshop

unti bait Nordfriisk Instituut än önj e bökehoonel.

Lasmoot wårde

Wård lastmoot önj e Friisk Foriining

Hark iinjsen

Di frasche podcast for enarken wat hål frasch hiire wal.