Stjördrååwen di 25ste önj e ismoune

Di 25ste önj e ismoune häi e Friisk Foriining sin jarst stjördrååwen önjt nai iir. Et wörden am maning projäkte snååket, weer e Friisk Foriining önj tukamst ma årbe wal. Gåns boowen aw lait et 100 iir jubiläum önjt iir 2023, werfoor nü ünlike forsliike soomelt än diskutiirt wårde schan. Uk wal e meedieårbesfloose hål en imagekampagne aw e biine stale.

As geeste wjarn Thora Kahl än Anne Hahn lååsid, am ouer et teema Frasch aw da dånsche schoule tu snååken. Thora häi foon ha årbe as fåchliidjer fort frasch ferteeld. Anne köö beruchte hü et tuhuupeårbe ma de dånsche schöljferiin önj da leeste iirnge wään san än weer jü tu tids ma årbet. Da grutste apgoowe for e tukamst siie biise deerönj manschne fort frasch tu motiwiiren, da fraschliirer pååsend unerruchtstmaeriool tu ferfäiging tu stalen än di fraschunerrucht önjt gehiilj atraktiiwer for schouler än liirer tu måågen.

Lasmoot wårde

Wård lastmoot önj e Friisk Foriining

Hark iinjsen

Di frasche podcast for enarken wat hål frasch hiire wal.