Spräkeräis tu e Saami önj Finlönj: Nuch plåtse fri!

E Friisk Foriining ploont foon e 22. bit 30. juuli 2014 en frasch spräkeräis tu e saamisch manerhäid önj Finlönj.

Dåt müülj ma e räis as än kam önj näieren kontakt tu da saami än liir wat foon jare spräke- än kultuurårbe. En ouderen wichtie aspäkt bai e räis as natörlik uk, dåt da diiljnaamere unerwäägens friisk maenouder snååke. For da, wat deerbai san än liir et, as et en gou geläägenhäid, sääkerer önj e amgung ma di spräke tu wården.

Di pris for wåksne as 700,- euro, for studänte än bjarne uner 18 iir 400,- euro.

En program as nuch ai gåns klåår ütårbed.

Ouerdåt e diiljnaamertål begränd as aw 25 persoone, måån we jam bade, jam sü gou as möölik önjtumalden.

 

 

 

Lasmoot wårde

Wård lastmoot önj e Friisk Foriining

Nais foon diling

E radiosiinjing "Nais foon diling" brängt arken däi foon moundi bit fraidi aktuäle tisinge üt Nordfraschlönj än trinambai.