Samerütfluch: E Friisk Foriining beseecht et eefterbaged Nydam-büütj

E Friisk Foriining häi wi lasmoote än waane foon e feriin inlååsid tu en samerütfluch önjt sööden foont dånsch. Et jarst müülj as Nydam Mååre, nordweestlik foon Sønderborg. Bai e strönj foon Sottrupskov wörd di besäk üt Nordfraschlönj foon Svend Anker Petersen – hi as stjörlasmoot foont Nydam-seelschap – et eefterbaged Nydam-büütj präsentiird, wat jarst for tou waage tu wååders leet wörden as. Önj wat mör as fiiw iir as et ja ma 30 aktiwiste luked än bag en siiduchti orginaalkopii foon dåt büütj eefter, wat for 150 iir aw e näide fünen wörden as.

Deereefter gäng e fård widere eefter Sønderborg, weer eefter en kafepause önjt slootcafé et Sønderborger sloot awt program stöö. Swåårpunkt wus heer e nai ütstaling ouer Söödjütlönj wilt e tjüsch tid (1864 – 1920).

Lasmoot wårde

Wård lastmoot önj e Friisk Foriining

Nais foon diling

E radiosiinjing "Nais foon diling" brängt arken däi foon moundi bit fraidi aktuäle tisinge üt Nordfraschlönj än trinambai.