Sunt mååst iinj iir laawe we nü ål ma da feraneringe, wat e pandemie ma ham broochd heewe. E Coronakriise heet üüs laawen grünledend feranert, uk önj Nordfraschlönj. We åål froie üs aw di däi, wan we üs wider suner müsdök önj da äärme fåle koone. As uk oudere slame kriisen wised hääwe, wal huum „dereefter“ sü gou as möölik ferjeese. Dåt as schandlik, ouerdåt dan wider sam prominänte, unti da medie üüse äine toochte önj da iinsome moune dominiire. Da Frasche schöljn deeram jare äine tääle ferteele än fååsthüülje. E tid tuhüs as deerbai en fain möölikhäid, ham deerouer klåår tu wåården, hü Corona üüs routine, üüs årbeslaawen än üüs fritid feranert heet. Wan we et nü apschriwe, koone we et lääser bääder tånke.

E Friisk Foriining wal deeram hål waase, hü da Frasche ma da feraneringe amgunge. Hü heet Corona jarnge laawen feranert? Wat as ouders? Schriw et ap. Bait iinje schan åål beruchte, deegeböke än tääle tu iinj Corona-deegebök tuhuupefooted wårde. Åle frasche dialekte koone ma mååge. E ruchtschriweing spaalt niinj rul. For da beeste takste ferloost e Friisk Foriining prise önj e wjart foon 100 euro. Bit tu e 19. märts heewe jam tid jarnge takst tu info@friiske.de, unti ouer pust tu Friisk Foriining, Süderstr. 6, 25821 Bräist/Bredstedt tu schaken.