e Friisk Foriining lååsit jam in tu en autoralley jant än jurt döör Nordfraschlönj än sin histoorie. E ralley begant saneene, di 5de önj e samermoune am e klook 9.00 di mjarn bait Risem Schölj än gungt bit tu di een. We slite di däi dan ouf ma en naten een bütefor e krouf, weer dan uk da wunere üttiikend wårde. En tiim bestoont üt twäär manschne önj ån woin. Et startgiilj foon 10 Euro wårt tu önjfång foon e ralley insoomeld. Da tiims hafte seelew for arken schååse unti malöör, wat döör unti wilt e ralley önjtstönje. Följk schal frasch ferstönje koone, wan huum mamååge wal. Arken diiljnaamer schal en aktuälen täst forwise, wat ai åler as 24 stüne as. Bai döörimpfde långt di impfbeschiis.

Önjmalde koone jam jam tiimwis (ai änkelt!) bit tu di 31.5. bai e organisatoor Gary Funck uner e iimäil gary@friiske.de.
Ouerdåt et ai maning plååse jeeft, koone we woorschiinjlik ai arks önjmalding ma apnaame, deer bade we am jarnge ferstönjen.