Naie frasche podcast – Hark iinjsen

E Friisk Foriining deet ouf nü iinjtooch önj e moune en naie podcast aw frasch rüt. „Hark iinjsen“ håt dåt nai format. Manuela Ross än Eike Christiansen wan aw nate än persöönlike årt e frasche spräke hiirbåår mouge. Et as di jarste podcast aw frasch, än wised dåt aw frasch åles gungt, än ham lacht önj e warkeldäi ma apnaame leet.

E jarst folge heewe da biise moderatoren Eike än Manuela derfoor njüted, ham seelew än di podcast fortustalen. Eike as ma e frasche spräke grut wörden, än snååked tuhüs ma har bjarne frasch. Manuela as jarst lääser önj har laawen eefter Nordfraschlönj täägen, än heet frasch döör en spräkekurs liirt. For da näiste folgen schan geeste lååsid wårde, am ma ja ouer ünlike teemen tu diskutiiren.

Da folgen koone uner e tiitle „Hark iinjsen“ aw Spotify, Google Podcast, Deezer, Apple Podcast, YouTube än åålewäägens hiirt wårde weer et podcasts jeeft.

Unti klik iinjfåch aw diheere link:
harkiinjsen.buzzsprout.com