Hü baig ik me man äine känkenbuum?

Schoenes-foto

Wat brük ik?

  • 1x  2 x 2 x 100 cm Fiirkåntlååst
  • 2x  Ø1 x 100 cm Trinhoolt
  • 1x  Ø40 cm Metalräng (fäit huum önj e bastellooden)
  • 1x  14 x 25 cm Hooltbord
  • 4x  Jåchtehüüljere
  • Hooltlim
  • Teen gräin wäär
  • Buks (unti ouder gräins)
  • Neel än trädj
  • Siinkne
  • Ååple

Sååg da ünlike hooltstöögne aw e rucht långde (lök boowerst bil).

Boor tri  Ø10 mm luchers inönj e fiirkåntlååst ma en oufstånd foon 14 cm, än 16 cm for et unerst stuk, wat önj e fötj stäägen wård. Wichti as, dåt da lucherse lik döör boort wårde, am beesten huum namt en ståndboorer tu hönjs.

Önj da biise lungere trinhooltstöögne wård bai arks sid en Ø4 mm luch boort ma 2 cm oustånd tut iinje haane. Heer wårde lääser da jåchtehüüljere rinstooped än fåstlimt. Uk bai da lucherse as et wichti möölikst lik tu booren.

Önjt bord, wat eeftert e fötj wård, wård önj e mal en fiirkånt luch (2 cm x 2 cm) ma en steegiisen ütsteegen.

Dan wård åles inennouder stäägen(lök boowerst bil) än ma hooltlim fååstlimt.

Di fötj am beesten nuch foon deele ma en schruuw fååstschruuwe.

Känkentjüch

Münster känkentjüch

Dåt känkentjüch wård eefter üülje schake üt besunere dii mååged. Huum koon da figuure ouers uk üt såltdii unti hoolt mååge, am ja uk önjt näist iir wider tu brüken.

Resäpt känkentjüchdii:

  • 250g Suker
  • 500g Määl
  • 1 Teeschiis hirschhornsålt
  • 20g Bööder
  •  Rüüdj ääsensfårw (Eefter üülje schake ma rüüdje-rööwe-saft)

333 milliliter wååder önj en krooge düünj, än e suker inrääre. Kort apkooge lätje. Määl, hirschornsålt än bööder deertudüünj än åles tu en dii ferrääre. Di dii teen ütrule än da figuure ütsteege. Da figuure kaame dan önj en forwårmden bakoun bai huuchstens 150 grood manstens 30 minuute lung bååge, da figuure schönj hål jare hal fårw behüülje. Eeftert oufkäilen wårde dan da kontuure foon da figuure ma rüüdj ääsensfåårw eeftermåålt.

 

Än dan koon e buum uk ål tuflaid wårde.

Di metalräng ma buks unti ouder gräins ma gräine wäär inwine. Deereefter wård di räng dan önj e mal foon e hooltroome ma wäär fååst mååged.

Siinkne aw en trädj ma heelp foon en neel tu en keed mååge, sü dåt e siinknekeed amenbai 60 cm lung wård.

Ååple, känkentjüch än siinknekeed ma trädj önj e buum häinge.

Tulijåchte önj da jåchtehüüljere stoope, än ål as e känkenbuum klåår!

Foole spoos bait eeftermåågen!

Lasmoot wårde

Wård lastmoot önj e Friisk Foriining

Nais foon diling

E radiosiinjing "Nais foon diling" brängt arken däi foon moundi bit fraidi aktuäle tisinge üt Nordfraschlönj än trinambai.

Törsdi, 15.04.2021