Edgar Wallace aw frasch

Dåt logiirhüs bai e Thames

Edgar Wallace (1875–1932), wat uk di „King of Thrillers“ nåmd wörd, hiirt ma tu da bekåndeste ainglische krimischriwere. Wan da filme, wat foon sin böke mååged wörden, önj e süstier än soowentier iirnge önjt fiirnsiien lüpen, wjarn da stroote mååst lääsi fååged, sü beliift wjarn ja.

Marie Tångeberg heet foon Edgar Wallace dåt tääl „Dåt logiirhüs bai e Thames“ komplät tut frasch ouerseet än deer oueremätje faine bile tu mååld. Dåt tääl ma da bile san nü önj en tååschenbök ütkiimen.

As inspektor John Wade en bånkruuwerai unerseecht än di mord foon en ünbekånden moon, kamt hi tut „loschiir-hüs bai e Thames“, weer for ornt­lik följk niinj gou kaamen as. Jü jung Leila Smith woorschout di inspektor for en fål än ferswant dan aw iinjtooch. Wade leet ham ouers ai trung mååge än fülit ark latj spör, wat’r mån fine koon. Bait iinje mååget hi en gruuliken fanst, weer niimen ma räägend heet.

Dåt 200 side lung bök jeeft di leeser e möölikhäid, ham aw frasch önj en spånend tääl intuleesen, än ham südänji intensiif ma e frasche spräke ütenouder tu seeten. Huum en jarste indruk foont bök heewe wal koon ham aw e Youtube kanool foon e Friisk Foriining en leesing foon e ouerseeterin Marie Tångeberg önjkiike.

E Friisk Foriining heet et bök uk ütdänj ma heelp foont Nordfriisk Instituut as ferlåch än ma stipe foon e loonsregiiring Slaswik-Holstiin ouer e Frasche Rädj. Huum fäit et for 9,90 euro bai e Friisk Foriining, et Nordfriisk Instituut unti önj e bökehoonel.

Lasmoot wårde

Wård lastmoot önj e Friisk Foriining

Nais foon diling

E radiosiinjing "Nais foon diling" brängt arken däi foon moundi bit fraidi aktuäle tisinge üt Nordfraschlönj än trinambai.

Fraidi, 10.07.2020