Friisk Harfsthuuchschölj önj Jarplund
Bräist. Uk jarling lååsit e Friisk Foriining wi in tu en Friisk Harfsthuuchschölj, wat önjt dånsch fölkehuuchschölj Jaruplund Højskole bai Flansborj for ham gungt. Foon e 2. bit tu e 5. oktoober wårde maning ünlike aktiwitääte önjbin, weer bai e frasche spräke åltens önj e fordergrün stoont. Huum jüst frasch liirt, schal ham gåns besuners önjspreegen fäile, ouerdåt et knååp en ouder tubood jeeft, wat bääder deertu ducht än ferbääder sin spräkewaasen aw sün kompakten årt än wise. For da mååste diiljnaamere as frasch, fering unti sölring e warkeldäisspräke. Et bröket program büt ünlike workshops än seminaare as musiik, sport unti Tai Chi. Et wårde hoose praageld, beton-skulptuure mååged än for ålem wårt spaalerisch frasch fermadeld. Saneene, di 4. oktoober, wårt önj e rååme foont harfsthuuchschölj di frasche schunger Kalle Johannsen aptreese ma üttooche üt sin frasch än internatsjonaal program. Interäsiirde malde jam telefonisch bai e Friisk Foriining uner 04671-60 24 154 unti per iimäil uner info@friiske.de.