Spräkeräis tu da saami önj Finlönj ütböked!

Bräist. Et inträse wus sü grut, dåt deer nü ål niinj plåtse mör fri san. E Friisk Foriining kjart jarling wi aw en sünåmd frasch spräkeräis än beseecht e saamisch manerhäid önjt norden foon Finlönj. E diiljnaamertål wus foon began fååstläid aw 25 plåtse, än da san nü ütböked, ferteelt e geschäftsfäärer foon e Foriining, Manfred Nissen.

Dåt müülj ma e räis as än kam önj näieren kontakt tu da saami än liir wat foon jare spräke- än kultuurårbe. En ouderen wichtie aspäkt bai e räis as natörlik uk, dåt da diiljnaamere unerwäägens friisk maenouder snååke. For da, wat deerbai san än liir et, as et en gou geläägenhäid, sääkerer önj e amgung ma di spräke tu wården. E räis fant stää foon e 22. bit 30. juuli än wårt stiped foon e „Bundesbeauftragte für Kultur und Medien“ ouer e Frasche Rädj än foon Slesvigsk Samfund.

Lasmoot wårde

Wård lastmoot önj e Friisk Foriining

Nais foon diling

E radiosiinjing "Nais foon diling" brängt arken däi foon moundi bit fraidi aktuäle tisinge üt Nordfraschlönj än trinambai.