18. august: Samerütfluch eefter Ääderstää

E Friisk Foriining lååsit lasmoote än waane in tu en

Samerütfluch eefter Ääderstää, (Hoyerswort än St. Peter)

än saneene, di 18. august, klook 12:30 foon Naibel boonhuf.

We drååwe üs for e boonhuf önj Naibel (12.30) än kääre gemiinsoom ma en bus eefter Ääderstää.

Tujarst besäke we et hiirnehüs Hoyerswort, wat e hiirdesfooged Caspar Hoyer tut iinje foont 16. iirhunert bage leet heet. Di bag ma sin tou wänge, en treepetörn än en haubärj-låås as sunt fer-gängen iir wi nai inruchted än for e öfentlihäid tugunglik mååged wörden.

Eefter en fääring döört museum än e putemåågerai jeeft et kafe än kååge önjt nai sloot-café. Aw e widerefård eefter St. Peter-Urdem tut Ääderstäänger hiim-stounsmuseum steegt Matthias Bodenhagen tu üs önj e bus än ferteelt unerwäägens foon san hiimstoun.  Önjt museum foon e loonschap Ääderstää kaame we e histoori än e hüskultuur foont huulewailönj wat näier. Am e kl. 19 süwat wårde we wi önj Naibel önjkaame.

Wees sü gödj än mald jam önj bit tu e 13. august awt sekretarioot, tel.: 04671-6024154, iimäil: info@friiske.de

E lasmootepris as 10,00 € for wåksne än 5,00 € for bjarne foon trii bit 14 iir. Geeste betååle 15,00/7,50

Hoyerswort

Et Ääderstäänger hiimstounsmuseum

Lasmoot wårde

Wård lastmoot önj e Friisk Foriining

Nais foon diling

E radiosiinjing "Nais foon diling" brängt arken däi foon moundi bit fraidi aktuäle tisinge üt Nordfraschlönj än trinambai.