Lade Forheewen

« Åle Forheewen

  • Diese Forheewen hat bereits stattgefunden.

Wunterfäst

27. önj e ismoune, 19:00 - 21:00

€15

Liiwe lasmoote än waane foon e Foriining. We lååsie jam heerma hartlik tut wunterfäst.

E Friisk Foriining fiirt dåt wunterfäste önj nai iir di 27. önj e ismoune sü as åltens, nemlik önj „Fraschlönj“ (toorpstroote 95) önj Risem-Loonham. Da schoulere foon Risem schölj wise en stuk, wat ja seelew schraawen heewe: „prinsäse än piroot“, weer wile siiruuwere jarst dåt schap foon e dånsch prinsäsin ouerfåle än aweedire aw Hålilönje en schoot seeke. Deerbai heet ham e schölj wat besuners üüttocht: da piroote snååke frasch än da manschne trinam e prinsäsin, uk hare siikrunke wåchter, snååke dånsch. Eeftert stuk fäit huum gräinküülj ma ålet, wat dertu hiirt. Dan schungt Elke Boysen. Jü brangt üülje än naie frasche stöögene ma, wat huum ma ha tuhuupe schunge koon. Klook 19 gungt et lüüs.

Di inträäs, weer da koostinge fort ääsen ma bane as, as 15 euro for wåksne än 7,50 euro for bjarne. Wees sü gödj än mald de önj, deerma we waase, hü maning kaame: 01520-6640926 unti önjt sekretarioot önj Bräist 04671-6024154, info@friiske.de.

Nauere informatsjoone

Dootem:
27. önj e ismoune
Tid:
19:00 - 21:00
Eintritt:
€15

Ütruchter

Friisk Foriining
Phone
4671 6024154
E-Mail
info@friiske.de

Weer as et?

Fraschlönj
Dorfstraße 95
Risum-Lindholm, 25920
+ Google Karte