Törsdi, 22ste önj e Biikenmoune 2024, kl. 7.00 di een Hotäl Landhafen, Deesbel | Deezbüller Str. 70

En fulmounenåcht önj e Krüschen-Albrechts-Kuuch. Tjuken mist, schoote, ån biiljk…än tou like: En böre än en hiisien amwråålsaktiwist. Wus et en strid, wat üt et rouder lüp? Unti wus et en wil diirt? Sam hiirden dåtdeer spoosi höölen as foon en gruten hün. Hääwe da üülje teele flicht rucht, dåt deer en gruten suurten heelehün sunt iirhunerte sin ünweesen draft? Apårtie rädjelse, wat da biise kriminåålbeåmte Heike Jensen än Sven Lindholm liise schan, iir di näiste mansche düüdj aw e eeker lait.

Mååst en huulew iirhunert as fergängen, eefterdåt e Suurte Hün foon Risem Måår for apreeging sörid. Uk wan et jütid bait iinje en gåns manschliken ferbreeger wus. Et tääl, wat Ingwer Nommensen for süwat 40 iir as teooterstuk schriiw, wörd foont Nordfriisk Teooter leest iir önj e rååme foon e Frasche Tääle tu Padersdäi nuch iinjsen as live-hiirspal apfjard.
Ma Sojaripling & Hünefouder präsentiirt Et Nordfriisk Teooter ma sin ensemble nü en fortseeting foont üülj tääl, dåtheer tooch üt e fääder foon Gary Funck…natörlik uk wider as live-hiirspal bai e Frasche Tääle tu Padersdäi 2024.

Enarken, wat frasch ferstoont, as hartlik wäljkiimen. Di intrees as fri, am en friwalien stipe wårt baded.