Heer as e link tut tääl: Tääl

Önj e uugensteblak mååget Corona dåt laawen swåår. For arken frasche, wat eefter seelschap långd, än en lait oufwaksling önj e warkeldäi brainge wal, heet e Friisk Foriining en faine toochte: En seelewmååged frasch tääl ouer WhatsApp. Huum ham maldet fäit di 16. nowämber ouer WhatsApp en flooseinlååsing. Di seelwie däi wårt dan di jarste seeting foont tääl önj e floose bekånd mååged. Än dan bast dü önj e ra: En arken önj e floose koon ån seeting schriwe, wat aw di leeste seeting apbaiged. Sü önjtstoont stuk for stuk en tääl. Weers truuri, spånend unti pjåti wårt, koone da diiljnaamere seelew önjtschiise; seeting for seeting. Dan jarst wan ån seeting schraawen as kamt di näiste. Et tääl wårt arke däi aw www.friiske.de online stald, sü dåt et tu arks tid möölik as ma intusteegen. Et schal en nordfrasch tääl wårde: åle nordfrasche dialekte koone ma mååge. Ruchtschriwing spaalt niinj rul.
Deeram san uk åle wäljkiimen ma en seeting baitudreegen, wat nuch ai sü gödj frasch schriwe unti snååke koone. Et tääl gungt tu iinje di 30. nowämber. Deereefter jeeft et dåt tääl önje hiilj långde än lacht ouerårbet aw www.friiske.de tu leesen.

Wan dü ma mååge wäät, schak din handy-nr. tu:

Tel: 0151\50218894
E-Mail: info@friiske.de