Nuch tut önjfång foont iir häin we et ai for möölik hüüljen, ouers aw grün foon da naie Corona räigle wan we e Biike önj Risem-Lunham duch moundi di 21ste önj e biikemoune tiinje.

Am e klook 19.00 wårt et iilj foon en delegatsjoon foon Frisia Historica tånd. Bait iilj jeeft et gräinküüljsup än teepuns tu kuupen, enarken wat hål wat oudres drainke må, koon et seelew manaame. E Biikereede wårt jarling foon Karin än Thore hüljen.

Bait iilj koone huuchstens 100 manschne weese, we törde dan ouers uk niinj müsdök dreege. We san ouremätje luklik, dåt we üüs Biike jarling önj e gung foue, än froie üs aw en påår natje stüne ma jam!