Unert Fordäk

Sunt mör as tou iir as „Et Nordfriisk Teooter“ nü ål deerbai än wis modärn frasch teooter önj Nordfraschlönj. Ma ”Unert Fordäk” köö et teooter nü ål sin süst stuk wise.

Et stuk as diräkt üt et ainglisch foon di kunstnerische liidjer Gary Funck ouerseet wörden, än häi deerdöör ma jü jarst apfääring sin tjüschlönj-premiere.

Et stuk spaalt ”unert fordäk” foon en ainglischen trawler üt Hull. Tri generatsjoone wiseden jare ferhüülj tu e siifårt, än et huuchsiifaschen. Besuners gödj köö et stuk di warkeldäi foon da ünlike faschermoons infånge, wat suner perspektiiwe önjt laawen dåt måågeden, wat ål generatsjoone for ja dänj häin.

Uk di amgung ma e düüs, än di wale tu ouerlaawen wörd besuners intensiif deerstald foon da ainkelte aktööre.