Luked jarst teooterstuk foon ”Et nordfriisk teooter”

Mat jarst teooterstuk ”Da üülje da goue” foon e naie teooterferiin „Et nordfriisk teooter“ as iinjsen wider wised wörden, wat åles möölik aw frasch. ”Et nordfriisk teooter” wal derfoor möre profäsjonäle frasche stöögne önjt iir aptufääre, weer et jarst stuk ”da üülje da goue” nü e önjfång mååget heet. Wichti as et  en schååw mat teooter for enarken en tugung  tu e frasche spräke. Arks stuk, wat apfjart wård, as ma tjüsche ouertiitel fersänj, sü dåt enarken wat frasch ai ferstönje koon, likes åles ma fäit. Et süstem köm gödj önj, sää di kunstnerische liidjer Gary Funck. Sügoor bååsegååste üt Söödtjüschlönj än manschne wat lait unti ninte hiire koone, hääwe et lacht en füli e hoonling. Et näist stuk „Jonk Bradlep“, en teel foon Ellin Nickelsen,  schal önj e stormmoune (oktoober) apfjart wårde.  Enarken, wat et projäkt stipe wal, koon lasmoot bai „Et Nordfriisk Teooter“ wårde. For lasmoote jeeft et for arks premiere iinj koord amsunst. Möör tu waasen foue jam uner www.teooter.de