Lars Harms as naie spaskandidoot for e SSW
26. önj e harfstmoune 2016
Sunt saneene as et nü uk åmtlik: E SSW tjucht ma di frasche Lars Harms as spaskandidoot önj e loondäiswool önj e uurs näist iir. Bait loonsmeeting önj Hüsem wörd di 51 iir üülje Hüsemer aw plåås numer iinj aw e loonslist wääld. Hi füng 120 foon 121 stime. Iinj Harms trätj nåne mötjstönjer önj. E SSW häi ål awfoorie dütlik mååged, dåt e partai foon e frasch än dånsch manerhäid ma e gemiinsoom regiiring tuhuupe ma SPD än Gräine uk eefter e wool hål wider mååge wal.