„Ferteel iinjsen“ – ma hartkloopen as teema
Aalkersem/Feer. E frasche schriwweedstrid „Ferteel Iinjsen“, wat e NDR Welle Nord än et Nordfriisk Instituut tuhuupe organisiire, stoont jarling unert teema „Hartkloopen“. Bai en drååwen önj Aalkersem aw Feer wörd et teema bekånd dänj, än deerma as e ofitsjäle startschus feelen. Ouf nü koone nordfriiske schriwere jare teele inschake. Jarling wårde teele seecht, wat et hart gauer slüünj lätje – liifdeteele, krimis unti wat lustis. Mamååge koon enarken, ouers e teel schal aw nordfriisk schraawen weese, såchtetseelew, weer´t mooring, fering, öömrang, sölring unti en oudern nordfriisken spräke as. E schriwwise spaalt niinj rul, sü lung et dan mån tu leesen as. For da, wat wine, jeeft et prise önj e wjart foon önjt gehiilj 1.600 €. Da beeste teele wårde än saneene, di 29. nowämber önj e Nordsee Akademie önj Leek forstald.
Heer mör tu e weedstrid aw e sid foon e NDR: