Liiwe famiilie, 

We wan jam hål tu en meekliken adwäntseeftermadi lååsie. Üülj än jung, enarken as hartlik wäljkiimen. Er gungt åles am Naske Pük, üüsen latjen hüsmoot. Deeram wan we hål ma jam än jarnge bjarne unti bjarnsbjarne, latje Nisse än unti adwäntsgestäke mååge. Än uk en latj tääl foon Naske Pük foue we tu hiiren. Wan we luk hääwe, kamt känken uk nuch forbai. 

Tuhuupe mat Hoftheater Föhr wiset Et Nordfriisk Teooter jarling et jarst tooch en jülstuk aw fering.
Ellin driimt foole än koon ma tiire snååke. Hare beeste waane san Fiitje, di fasaan, än Miiken, e eekermüs. Ellin laawet tuhuupe ma hare süsterne Keike än Seike än jarnge Datje Tay aw en börestää. Deer ferschwine arks nåcht korn-hooke. Tay heet awe löör, dåt san näiber da wachnamt unti heewe da unerjardsche deerma wat tu doun?

Uk jarling wal "Et Nordfriisk Teooter" wi ma en Hili Stün e adwäntstid fiire, tuhuupe ma jam. 

Liiwe lasmoote,
We wan jam hål tu en meekliken jülfiir lååsie. E Friisk Foriining wal ma sin ålere lasmoote tuhuupe fiire. Bai kafe än kååge wan we schunge än jültääle hiire. Än For ålem wan we en gödj stuk snååk füünj.
Täisdi, di 17.12.2024, foon e kl. 15:00 bit kl. 17:00
Önjt Risem-Schölj, önj da naie rööme (deer koon huum lacht ma rolator unti rulstölj in kaame)

We lååsie jam hartlik di 31. önj e ismoune tut wunterfäst.

Di 16. önj e biikemoune lååsid e Frasche Rädj tu e biikeemfång önj e Nordseeakademie.

Fraidi di 21ste ön e biikemoune kamt huum wi bai e Biike tuhuupe.

Saandi, di 23. februar am e  klook 11.00 lååsie Friisk Foriining än e schörkegemiinde tu en hoow aw frach önj e schörk St. Sebast önj Risem (Steege, Risem-Lunham) in.

E Friisk Foriining lååsit hartlik tu e lasmootefersoomling än täisdi, di 3. önj e gjarsmoune am e klook soowen aw ”Fraschlönj” önj Risem, Toorpstr. 95.

Arken törsdäi as üüs bjarnekonsuläntin in dåt nai hüs foon Risem Schölj, weer bjarne eefter e schölj spaale än ja beweege koone. Am e klook 15.00 gungt et lüüs bit tu e klook 17.00.

Foon e 23.- 25. moi jeeft et wi en frasch drååwen foon da trii Fraschlönje aw HÅLlLÖNJ.

E frasche madelålerferiin Frisia Historica lååsit fort waagiinje foon e 20. bit 22. juuni tut nü ål åchte tooch tu sin „madelålerlik driwen“ bai e bååsewäil önj Naibel in.

Di 20. önj e harfstmoune gungt et wider aw samerütfluch.

Foon e 30. önj e stormmoune - 2. önj e mistmoune lååsid e Friisk Foriining uk jarling wi tu en harfsthuuchschölj, weer e frasche spräke önj e fokus stoont.