Perspektiiwe

Jü forütseeting, dåt da frasche en äinen, likberuchtiiden spräklik/kulturälen floose made da oudere önj Europa san, deet üs en realistischen grünlååge for tukaamen spräke- än kultuurårbe. Deerfor wårde we respäktiird.

Frasch as äin identitäät än spräke koone we üüs bjarne fermadle, dåt as kluuse, wat ja wideredreege. Frasch bloots as en regjonaalen blintärm tut tjüsch unti dånsch as riin dekoratsjoon for e fråmdenferkiir, suk teen kluuse tiie ja ai mör önj. Deer heet jü grut wråål mör tu biidjen.

Dåt tidi än loogisch tuhuupeårbe ma oudere latje följksfloose än jü dånsch manerhäid heet üs ål eeder ma mörspräkihäid än mörkulturäl laawen önj ferbining broocht. Dåt as hoonwärkstjüch, wat üs heelpt, frasch tu bliwen än gliktidi en pårt foon e modärn seelschap tu weesen. Än dåt bedjüset, dåt we goue forütseetinge hääwe, bai dåt multikulturäl münster önjt nai Europa üüsen gåns äine trädj ma intuweewen, am deerdöör fort frasch en plåts önj e tukamst tu finen.

Tu åle tide hääwe da latje följkefloose ma e gefåår laawed, dåt da grute ja apsööge unti for jare müülje instrumentalisiire, ooftingenooch as dåt uk luked. E Friisk Foriining heet deer åltens apiinjhülen.