Di sung foon di teepuns
Di sung foon di teepuns
En fraschen teepuns mäi ik hål,
di schååset nåne mansche;
deeram wal ik me arken däi
en latjen wurmen wansche.
En teepuns, jåå, di seet foont hart,
di wiitj e burst tu liisen;
an wan ik riin ferkloomed ban,
sü fäit hi me önjt riisen.
An kamt man näiber iinjsen am,
man üülje fründ di goue,
dan håål ik gau en huulew plånk,
dåt we en latjen foue.
Bai tee an puns an suurten Gee
deer kaame we önjt snååken;
bit tu madnåcht, bit huulew iinj
hiirt följk üs wilems lååken.
Tu jül lätj ik en fiiwkoons hoolt
diräkt üt Flansborj kaame,
dan koon huum, wan deer seelschap as,
uk hål an riklik naame.
An steecht di teepuns önj e kröön
bai knapelkååg an krängle,
dan fifat huuch, min fiderlönj!
dåt åle waninge rängle.
En teepuns, di as åltids gödj
bai krunk an süne deege,
deeram koon ik man froome wansch
for nåne mansche sweege:
En fraschen teepuns mäi ik hål,
di schååset nåne mansche,
deeram wal ik me arken däi
en latjen wurmen wansche.
Takst üt:
Hark Martinen:
Dachtangs, Bräist/Bredstedt 2014, S. 85
Das Lied vom Teepunsch
Einen friesischen Teepunsch mag ich gerne,
der schadet keinem Menschen,
darum will ich mir jeden Tag
einen kleinen warmen wünschen.
Ein Teepunsch, ja, der ist gut fürs Herz,
der weiß die Brust zu lösen,
und wenn ich ganz verfroren bin,
dann bringt er mich wieder nach oben (auf den Damm).
Und kommt mein Nachbar zu Besuch,
mein alter Freund, der gute,
dann hole ich schnell eine halbe Planke1
dass wir einen kleinen bekommen.
Bei Tee und Punsch und schwarzem G.2,
da kommen wir ins Reden.
Bis Mitternacht, bis halb eins
hört man uns manchmal lachen.
Zu Weihnachten lasse ich ein kleines Fass3
direkt aus Flensburg kommen,
dann kann man, wenn Besuch da ist,
auch gern und reichlich nehmen.
Und steigt der Teepunsch in den Kopf
bei Kuchen und Gebäck4
dann „Vivat hoch, mein Vaterland“,
dass alle Fenster klirren!
Ein Teepunsch, der ist immer gut
an kranken und gesunden Tagen,
deshalb kann ich meinen frommen Wunsch
vor niemandem verschweigen:
Einen friesischen Teepunsch mag ich gerne,
der schadet keinem Menschen,
darum will ich mir jeden Tag
einen kleinen warmen wünschen.
_______________________________
- alte Maßeinheit; ca. 0,25 Liter
- Pfeifentabak
- Fünf-Kannen-Fass; ca. 10 Liter
- wörtlich: Knipkuchen und Kringeln