20. bit 22. juuni: 4. madelålerlik driwen önj Naibel

Naibel. 
E frasche madelålerferiin „Frisia Historica“ lååsit fort waagiinje foon e 20. bit 22. juuni tut nü ål fiird tooch tu sin „madelålerlik driwen“ bai e bååsewäil önj Naibel in. Foon e fraidi een ouf klook seeks koon huum sü rucht önjt madelåler indüke. Aw e mårket jeeft et üülj hoonwärk tu bekiiken än äinmåågede produkte tu kuupen.

E madelålerlike musiikfloose Wortsatia spaalt musiik üt e jütid, tum diilj sügoor aw üüljfriisk. Oudere ainkeltpersoone än floose, wat wilt da tra deege aptreese, san: Eckhart & Tim, Dan der Barde, Jenny Lautenklang, Mahbanu än Frater Enoch.

Fraidi än saneene jeeft et lääser am eenmen en iiljshow ma Drachenrachen. 
Traditsjoon as uk ål di amtooch döör Naibel di saneene formadi.

Aw e sportplåts bai e jöögedherberge as dan uk nuch e wråålsmäisterschap önjt gibseln ploond, en üülj frasch spal äänlik as „Baseball“, bloot suner båle, deerfor ma twäär stooke. Ma en leest aptreesen foon Wortsatia wårt saandi am e kl. fiiw et 4. frasch-histoorisch driwen önj Naibel tu iinje gunge.

Tu ääsen jeeft et wat foon e gril, än en koul biir foont fåt koon huum uk füünj. Et fäst koostet nån intrees, ouers följk mötj hål wat spände.

Mör informasjoone jeeft et aw frisia-historica.de