23. moi: Wortsatia-kontsärt önj Naibel

Fraidi, di 23. moi am e klook oocht di een präsentiirt Frisia Historica tuhuupe mat stäämarketing Naibel önj e Naiblinger schörk wider en kontsärt ma musiik üt et madelåler. Stiped wårt et forheewen wider foon e Friisk Foriining än foont Friesencenter Naibel, weer Wortsatia diseelwie däi ål am e kl fiiw di eeftermadi aptreese wårt.

Wortsatia as di üülje noome foont lönj Wursten twasche Bremerhuuwen än Cuxhuuwen, wat tu da frie friiske siilönje hiirt.  Üülj friisk folkloore as uk e swåårpunkt foon  Michael Tegge, Marco Neumann än Horst Vogesang, wat bai jare kontsärte stiilful önj ouerlääwerde friiske kluuse aptreese. „Jare musiik as kreeftful, mörstimi än kamt bai da tuhiirere iinjfåch gödj önj. Dåt wörd ål fergängen iir klåår, as ja önj Naibel tu besäk wjarn“, säit Stefan Nissen foon Frisia Historica.

Tut program foon Wortsatia hiire üülje stöögne üt e Orient än galizische, katalanische än natörlik üüljfriiske schunge. Neidhart von Reuenthal unti Walter von der Vogelweide hääwe ja uk önj jare schatul. Mör infos uner www.frisia-historica.de unti bai Stefan Nissen, Stääsönj, tel.:04662/881797.