Dootem: 28. önj e krülemoune 2018

Spräkeräis 2018 eeftert Baskenlönj

Termiin
8. - 14. önj e foodermoune 2018 (07:00-20:00)

E natöör önjt Baskenlönj tiignet ham döör e gräin stiinjküst üt, wat üünhiimlik foole oufwaksling büt. Ouers uk kulturäl heet et Baskenlönj foole öntubiidjen. Önjtgehiilj snååke 1.185.500 manschne e spräke baskisch, wat ma nån oudern spräke früne as. Ouers da Baske unerschiise jam ai bloots döör e äine spräke, ouers uk döör e ouer iirhunerte wüksene, äin kultuur.

Saandi di 8. juuli kääre we ma en shuttlebus lüüs eefter Hamborj tu e fluuchhuuwen. Foon deerüt gungt et ma e fliinjer eefter Bilbao. Et kwartiir as ambenbai  ouderthuulew stüne wid wach foon Bilbao önj et latj stää Tolosa, tacht bai San Sebastian. En ouderen wichtie aspäkt bai e räis as natörlik uk, dåt da diiljnaamere unerwäägens friisk maenouder snååke. For da, wat deerbai san än liir et, as et en gou geläägenhäid, sääkerer önj e amgung ma di spräke tu wården.

E diiljnaamerpris lait bai 450 € awt hood. E diiljnaamertål as aw 18 manschne fååstläit, önjmalde koon följk ham bait sekretarioot uner info@friiske.de unti ouert telefoon uner 04671-6024154.

Önjmalding Baskenlönj 2018