E Friisk Foriining lååsid tu en spräkeräis tu üüs frasche näiberne. We foue tu schüns, wat ja önj Weestfraschlönj än awt spräkeailönj Saterlönj önj e gung seete, am et frasch eefter foorne tu braingen. Wat schait önj da schoule, bait årbe än aw e stroote? Dåt wan we da manschne frååge, wat önj da ünlike organisatsjoone uuge.

Program-Highlights

• Besäk foon e frasch stää Dokkum
• Fääring döört Fries Museum
• Fääring döört pumpwärk önj Lemmer
• Spräkestich önjt Saterlönj
• Korte spräkekurse for weest- än saterfrasch

Aw e räis wårt et ouf en tu långere luupweege foon 1-2 km jeewe.

Oufluup foon e räis

• Began: 6. juuli, ouffårt ma tou buse foont Risem Schölj
• Boksum: Ouernåchte önj en üülj schörk ma tuure eefter Ljouert, Dokkum, Drachten än Lemmer
• Saterland: Ouernåchte önj e “toorpskrouf Dockemeyer”. Program ma Henk Wolf än e Seelter Buund.
• Tubäägfårt: 11. juuli ouf Scharrel, önjkamst di lääse eeftermadi önj Risem