Et Nordfriisk Teooter lååsit tu „Samereene“ in: tra meeklike samereene ma musiik, teooter än en gou stuk snååk.

AUGUSTUS DEET SIN PÅRT
George Bernard Shaw
En produksjoon foont Nordfriisk Teooter
Lord Augustus Highcastle (Gary Funck), en bekånten lasmoot foon e britisch boowerklas, wiset iinjouer san sekretäär (Thore Johannsen) sin scharp noos for krich än sin äin wichti forstaling, hü följk di wune koon. Jüst heet’r di boose füngen, dåt en wüstliken spioon präiwet än fou en wichti hiimlik dokumänt önj e hönje, wat uner Augustus sin behüülj stoont. Än dan wårt hi aw iinjtooch foon en smuk wüset (Keja Eck) önj sin kantoor beseecht. Jü schal nüsi ma ham snååke…

Ma Keja Eck, Thore Johannsen, Gary Funck
Rejii: Gary Funck
Friesisch mit deutschen Übertiteln!

Bretoone am e Frasche eefter e 2de wråålskrich
Fordreegen: Prof. Dr. Alderik Blom, Uniwersitäät Marburg
1951 präsentiird et bretoonsch blees „Al Liamm“ en äin ütjeeft am e trii Fraschlönje. Sügoor Carsten Boysen wårt deer nåmd. Ouers hü köm et tu dadeere kontakte önj e swiirie iirnge eefter e tweede wråålskrich? Weeram kiirden jam da europääische manerhäide aw iinjtoch mör amenouder as for e krich? Alderik as profäsor for keltologii bai e tradisjoonsrik uniwersitäät önj Marburg. Sin bök am e ferbininge twasche frasche än bretoone schal önj e näiste moune ütkaame.

OFFENE BÜHNE NIEBÜLL
Moderasjoon: Jörg Petersen
Di Naiblinger kultuurferiin NEUE FÄRBEREI as ma sin erfålgrik formaat OFFENE BÜHNE tu besäk bai e treede Samereen. Et nau line up foue jam kortfristi aw üüs hüüsesid tu waasen.

Di intrees as fri, et wårt ouers am 10 € aw e een as friwali jeeft badet…foole tunk!

Mör informasjoone fine jam uner: teooter.de/samereene/