Liiwe bjarne, liiwe ålerne, liiwe åålne än åtne,

önj gåns Tjüschlönj wård fraidi, di 21. nowämber, önj maning stääse for bjarne forleesen. E Friisk Foriining as jarling uk  ma deerbai, ma dåt naist frasch bjarnebök „Ouernåchte bai åålen“ foon Mirjam van Houten, wat ouf näist waag bai e Friisk Foriining ouer e online-shop tu kuupen as.
Weeram gungt et? Maikes mam schal unerwäis än Maike sleept bai åålen. Jü spaald ma hra än bååged sügoor riklik poonekååge. Maike as ouers bili truuri. Duch åalen wiitj nau, wat tu düünj as. Mirjam van Houten as en weestfrasche journalist, wat har dåt måålen seelew baibroochd heet. Gliks hare jarste bök „Tije“, wat sü foole as eebe än flödj håt, wus 2016 aw e  IBBY-list, weer en kuratorium arks iir da beeste bjarneböke forstalt. Hare bök „By beppe útfanhûs (Ouernåchte bai åålen)“ heet di Diet-Huber-Pris füngen.

Wan: Fraidi, di 21. önj e mistmoune (nowämber), am e kl. 16:00
Weer: Naiblinger bökerai (Hauptstraße 46, Naibel)

Enarken as hartlik wäljkiimen.