Jöögedspräkeräis eefter Cornwall

Bräist. E Friisk Foriining lååsit junge frasche twasche 14 än 18 iir tu en ääwentüürlik räis eefter Kernow/Cornwall önjt uterst söödweesten foon Grutbritanjen. Et keltisch Cornwall as e hiimstoun foon e tääle am Artus än Merlin, än ålewäägens snääwelt huum ouer möre duusend iir üülje stiinjkrise, unerjardsche stiinjhüsinge än üülje greefte.
E huuch stiinjküst as iinj foon e bekåndste än wilste wååderkånte foon e hiile wråål. E koornsche spräke hiirt tu e keltische spräke än wårt uk ai mör foon maning manschne spreegen, jüst sü as frasch. Än nuch foole mör hääwe üüs biise följke gemiinsoom. Grünenooch än besäk e smukst jarn foon e britische ailönje.
 
Et gungt ma e fliiger foon Hamborj eefter Birmingham än dan widere ma äine buse. Önj Cornwall booge da diiljnaamere önj en latj toorp önj en grut hüs for jam seelew. E diiljnaamerpris lait bai: 250 € pro persoon (inklusiiwe räis, höör än fäis).
 
 
Önjmalde koon följk ham bit tu e 30. juuni! Mör informasjoone fäit huum bai e Friisk Foriining:
tel. 04671-6024154, mäil: info@friiske.de

 flyer cornwall 2015

önjmalding Cornwall 2015

Lasmoot wårde

Wård lastmoot önj e Friisk Foriining

Hark iinjsen

Di frasche podcast for enarken wat hål frasch hiire wal.