E kris Norfraschlönj begröötet aw tjüsch än frasch

E kris Norfraschlönj begröötet aw tjüsch än frasch

E Friisk Foriining heet ham deerfor inseet, dåt nü önj e luup foon e näist tid 15 twäärspräde haanewisschilde bai bundesstroote än da wichtiste loonstoote apstald wårde, wat da manschen begrööte, wan ja e gräns tu Nordfraschlönj pasiire. „Nordfriesland/Nordfriislon stoont heer ai bloot for en geograafischen berik, ouers uk for en äinen spräke än en äin kultuur än wiset haane aw manschne ma en äin histoori än identitäät.“ Dåt sää e loonrädj foon Nordfraschlönj, Dieter Harrsen, as for fiiw iir turistische haanewisschilde bai e autoboon A 7 apstald wörden. Deerfor häi ham jütid uk e Friisk Foriining inseet.

„Ma da naie schilde bai e nordfrasche krisgränse wan we hål en baidråch deertu lååste, dåt e frasche spräke bääder wäärnümen wårt, än gliktidi jü ferbünenhäid foon üüs regjoon ma e frasch kultuur tu ütdruk kamt“, säit Bahne Bahnsen, formoon foon e Friisk Foriining.

Dåt forheewen as stiped wörden foon e feroontuurdlike foon e bundesregiiring for kultuur än meedie ouer e Frasche Rädj.

 

Lasmoot wårde

Wård lastmoot önj e Friisk Foriining

Hark iinjsen

Di frasche podcast for enarken wat hål frasch hiire wal.