Dootem: 8. maj 2014

Rökefloose wårt 30

Rökefloose

Risem-Lunham. 
Di frasche jöögedferiin Rökefloose koon jarling aw 30 iir feriinshistoorie tubäägkiike. Deer ferstoont et ham foon seelew, dåt di iirdäi bai ünlike aktiwitääte jarling en rul spaalt. Di önjfång wörd mat teooterstuk fort biikefäst önj Risem mååged. Deer wörd en „best of“ foon e beliifste teooterstöögne üt trii iirtiinde foon e feriinsäine teooterfloose apfjard. Önj e juuni wal e feriin sin jubiläum ma en grut iirdäiparty fiire, weertu uk geeste foon oudere manerhäide önj hiilj Europa kaame wårde, hoowet di formoon foon e feriin, Ilwe Boysen. E Friisk Foriining heet aw sin leest stjördrååwen beslin, et jubiläumsfäst ma en latjen schaling tu stipen.