E Alereklub önj e Foriining wörd 1998 grünläid än drååwed ham tujarst iinjtooch önj e moune önjt Andersenhüs önj Klookris. Eefter en gau fersäkstid wörden da meetinge tut Galerie Café önj Lunham fleeted. Arks iir wårde tou latjere ütfluche än en meeklik adwäntsfiir organisiird. Da termiine for da drååwen wårde önj e regjonaale bleese önjkünid, än deer as åltens plåts for geeste.
Frasche eeftermadeege
Di 12. moi fergängen iir wus üüsen ålereklub aw uurs-ütfluch eefter Hüsem tut Nissenhüs än et slootkafee. Ja drååwe jam ma ütnoome foon en samerpause åltens iinjtooch önj e moune ma önjtwasche mååst 25 manschne bai kafe än kååge önjt Galerie Café önj Lunham. Deer wårt fort mååst wat spaald, ouers uk oofting en frasch stuk forleesen unti wat fordreegen, sü as bai en besäk foon trii schöljbjarne, wat bai e frasche forleeseweedstrid wünen häin.
Di 5. oktoober gäng et aw harfstütfluch eeftert dånsch. Önj Tuner wörd et museum beseecht än kafe jäif et önj Möögeltuner.
Huum mör waase wal, koon önjteele bai Luise M. Clasen, tel. 04661-5102 unti awt sekretarioot, 04672-77520. Naie geeste san hartlik wäljkiimen.
